സഅദിയ്യ 46-ാം വാര്‍ഷികത്തിനും താജുല്‍ ഉലമ-നൂറുല്‍ ഉലമ ഉറൂസിനും എട്ടിന് കൊടിഉയരും

sammelana emplam


കാസര്‍കോട്: തെന്നിന്ത്യയുടെ വിജ്ഞാന വിസ്മയമായ ദേളി ജാമിഅ സഅദിയ്യ അറബിയ്യയുടെ 46-ാം വാര്‍ഷിക സനദ്ദാന മഹാസമ്മേളനം ഈമാസം 12, 13, 14 തിയതികളില്‍ സഅദാബാദില്‍ നടക്കും. നാലു പതിറ്റാണ്ടുകാലം സഅദിയ്യയെ മുന്നില്‍ നിന്ന് നയിച്ച താജുല്‍ ഉലമ ഉള്ളാള്‍ തങ്ങള്‍, നൂറുല്‍ ഉലമ എം എ ഉസ്താദ് എന്നിവരുടെ വാര്‍ഷിക ഉറൂസ് പരിപാടികള്‍ കൂടി സമ്മേളന ഭാഗമായി നടക്കും. ഈമാസം എട്ടിന് തിങ്കളാഴ്ച രാവിലെ 9.30ന് സ്വാഗതസംഘം ചെയര്‍മാന്‍ സയ്യിദ് ജഅ്ഫര്‍ സ്വാദിഖ് തങ്ങള്‍ കുമ്പോല്‍ പതാക ഉയര്‍ത്തുന്നതോടെ സഅദാബാദ് ഉറൂസിനായി സജ്ജമാകും.

താജുല്‍ ഉലമക്കുള്ള മഹോന്നത സ്മാരകമായി 1.5 കോടി രൂപ ചെലവില്‍ പണി പൂര്‍ത്തിയായ സഅദിയ്യ അഡ്മിനിസ്‌ട്രേഷന്‍ ബ്ലോക്ക്, താജുല്‍ ഉലമ സൗധത്തിന്റെ ഉദ്ഘാടനം, നൂറുല്‍ ഉലമ മഖ്ബറക്കു സമീപം നിര്‍മ്മാണം പൂര്‍ത്തിയായ പ്രാര്‍ത്ഥനാ ഹാള്‍, യതീംഖാന അഡ്മിനിസ്‌ട്രേഷന്‍ ബ്ലോക്ക്, എന്നിവയുടെ ഉദ്ഘാടനവും, നുറുല്‍ ഉലമാ ചാരിറ്റബില്‍ ട്രസ്റ്റിന്റെ കീഴില്‍ നിര്‍മ്മിച്ചപ്രഥമ വീടിന്റെ താക്കോല്‍ദാനവും രണ്ടാം വീടിന്റെ കുറ്റിയടിക്കലും ഇതിനൊന്നിച്ച് നടക്കും.

അനുസ്മരണ പരിപാടികള്‍, സമാപന സമ്മേളനം, ആത്മീയ സംഗമം തുടങ്ങിയവയിലായി വിദേശ രാഷ്ട്ര പ്രതിനിധികള്‍ ഉള്‍പ്പെടെ പ്രമുഖ പണ്ഡിതര്‍, സയ്യിദുമാര്‍, രാഷ്ട്രീയ-സാംസ്‌കാരിക നേതാക്കള്‍ സംബന്ധിക്കും. വിവിധ പരിപാടികളിലായി അഞ്ചുലക്ഷത്തിലേറെ വിശ്വാസികള്‍ സഅദിയ്യയിലെത്തും. വിശ്വാസി ലക്ഷങ്ങളെ വരവേല്‍ക്കാന്‍ അതിവിപുലമായ സജ്ജീകരണങ്ങളാണ് സഅദാബാദില്‍ ഒരുക്കുന്നത്.
തിങ്കളാഴ്ച രാവിലെ 10.30ന് നടക്കുന്ന പ്രവാസി കുടുംബസംഗമം സയ്യിദ് കെ എസ് ആറ്റക്കോയ തങ്ങള്‍ കുമ്പോല്‍ ഉദ്ഘാടനം ചെയ്യും. മാണിക്കോത്ത് എ പി അബ്ദുല്ല മുസ്‌ലിയാര്‍ അധ്യക്ഷത വഹിക്കും. ദേവര്‍ശ്ശോല അബ്ദുസ്സലാം മുസ്‌ലിയാര്‍, മുള്ളൂര്‍ക്കര മുഹമ്മദലി സഖാഫി പ്രഭാഷനം നടത്തും.

ഒമ്പതിന് രാവിലെ 10 മണിക്ക് പാരന്റ്‌സ് കോണ്‍ഫഫന്‍സില്‍ ആയിരത്തിലേറെ രക്ഷിതാക്കള്‍ സംബന്ധിക്കും. ചെമനാട് ഗ്രാമപഞ്ചായത്ത് പ്രസിഡന്റ് കല്ലട്ര അബ്ദുല്‍ ഖാദര്‍ ഉദ്ഘാടനം ചെയ്യും.

12ന് വെള്ളിയാഴ്ച വിവിധ മഖാമുകളില്‍ നടക്കുന്ന സിയാറത്തോടെയാണ് ത്രിദിന സമ്മേളനത്തിനും ഉറൂസ് പരിപാടികള്‍ക്കും ഔപചാരിക തുടക്കം കുറിക്കുന്നത്. രാവിലെ എട്ട് മണിക്ക് എട്ടിക്കുളം താജുല്‍ ഉലമ മഖാമില്‍ സിയാറത്തിന് സയ്യിദ് ഇമ്പിച്ചിക്കോയ തങ്ങള്‍ അല്‍ബുഖാരി കൊയിലാണ്ടി നേതൃത്വം നല്‍കും. പൊസോട്ട് സയ്യിദ് ഉമറുല്‍ ഫാറൂഖ് അല്‍ബുഖാരി മഖാം സിയാറത്തിന് സയ്യിദ് അത്വാവുള്ള തങ്ങള്‍, ത്വാഹിര്‍ തങ്ങള്‍ മഖാം സിയാറത്തിന് സയ്യിദ് കുഞ്ഞിക്കോയ തങ്ങള്‍ മുട്ടം നേതൃത്വം നല്‍കും. തളങ്കര മാലിക്ദീനാര്‍ മഖാം സിയാറത്തിന് സയ്യിദ് ഇബ്‌റാഹിം പൂക്കുഞ്ഞി തങ്ങളും സഈദ് മുസ്‌ലിയാര്‍ മഖാം സിയാറത്തന് സയ്യിദ് ഹസന്‍ തങ്ങളും നൂറുല്‍ ഉലമ മഖാം – കല്ലട്ര അബ്ദുല്‍ ഖാദിര്‍ ഹാജി മഖബ്‌റ സിയാറത്തിന് ളിയാഹുല്‍ മുസ്തഫ സയ്യിദ് ഹാമിദ് തങ്ങള്‍ മാട്ടൂലും നേതൃത്വം നല്‍കും.

വെള്ളിയാഴ്ച വൈകിട്ട് നാല് മണിക്ക് ഉദ്ഘാടന സമ്മേളനം സയ്യിദ് അസ്‌ലം ജിഫ്രി തങ്ങളുടെ പ്രാര്‍ഥനയോടെ തുടങ്ങും. സയ്യിദ് ജഅ്ഫര്‍ സ്വാദിഖ് തങ്ങള്‍ കുമ്പോലിന്റെ അധ്യക്ഷതയില്‍ കര്‍ണാടക മൈനോറിറ്റി ഡവലപ്‌മെന്റ് കോര്‍പറേഷന്‍ ചെയര്‍മാന്‍ സയ്യിദ് മശ്ഹൂദ് ഫൗജ്ദാര്‍ ഉദ്ഘാടനം ചെയ്യും. ഡോക്യുമെന്ററി, സുവനീര്‍, പുസ്തകം എന്നിവയുടെ പ്രകാശനം പി കരുണാകരന്‍ എം പി, എ ജി സി ബശീര്‍, മുഹ്‌യിദ്ദീന്‍ ബാവ എം എല്‍ എ, ഡോ. എന്‍ എ മുഹമ്മദ്, മാഹിന്‍ ഹാജി കല്ലട്ര, സി ടി അഹ്മദ് അലി എന്നിവര്‍ നിര്‍വഹിക്കും. യുഡോകിയാ എക്‌സ്‌പോ ജില്ലാ കലക്ടര്‍ പി എസ് മുഹമ്മദ് സഗീര്‍ ഐ എ എസും ബുക് ഫെയര്‍ സെന്‍ട്രല്‍ യൂനിവേഴ്‌സിറ്റി വി സി ഡോ. ഗോപകുമാറും ഉദ്ഘാടനം ചെയ്യും.

രാത്രി ഏഴിന് മൗലീദ്, ഖത്തം ദുആ, ജലാലിയ്യ സദസ്സിന് സയ്യിദ് ശുഐബ് ആലം സാഹിബ് കീളക്കര, സയ്യിദ് മുഖ്താര്‍ അഹ്മദ് ഖാദിരി ബഗ്ദാദ്, സയ്യിദ് കെ എസ് ജഅ്ഫര്‍ സ്വാദിഖ് തങ്ങള്‍ കുമ്പോല്‍, സയ്യിദ് മുത്തുക്കോയ തങ്ങള്‍ കണ്ണവം തുടങ്ങിയവര്‍ നേതൃത്വം നല്‍കും. ഡോ. മുഹമ്മദ് ഫാറൂഖ് നഈമി കൊല്ലം പ്രഭാഷണം നടത്തും. സയ്യിദ് ഫസല്‍ കോയമ്മ തങ്ങള്‍ കുറാ സമാപന പ്രാര്‍ഥനക്ക് നേതൃത്വം നല്‍കും.

13ന് ശനിയാഴ്ച രാവിലെ 9.30ന് മുസ്‌ലിം ജമാഅത്ത് സമ്മേളനം സംസ്ഥാന ന്യൂനപക്ഷ വകുപ്പ് മന്ത്രി മഞ്ഞളാംകുഴി അലി ഉദ്ഘാടനം ചെയ്യും. കെ പി ആര്‍ ടാഗോര്‍, വൈ കെ മുദ്ദുകൃഷ്ണ, അഡ്വ. എ കെ ഇസ്മാഈല്‍ വഫ പ്രസംഗിക്കും. ശനിയാഴ്ച ഉച്ചക്ക് രണ്ടുമണിക്ക് ദഅ്‌വാ കോണ്‍ഫറന്‍സ് ഉബൈദുല്ലാഹി സഅദിയുടെ അധ്യക്ഷതയില്‍ കെ പി അബൂബക്കര്‍ മുസ്‌ലിയാര്‍ പട്ടുവം ഉദ്ഘാടനം ചെയ്യും. ഡോ. അബ്ദുല്‍ ഹകീം അസ്ഹരി പ്രസംഗിക്കും. വൈകിട്ട് നാലിന് താജുല്‍ ഉലമ, നൂറുല്‍ ഉലമ, പൊസോട്ട് തങ്ങള്‍ അനുസ്മരണം പൊന്മള അബ്ദുല്‍ ഖാദിര്‍ മുസ്‌ലിയാര്‍ ഉദ്ഘാടനം ചെയ്യും. കൂറ്റമ്പാറ അബ്ദുര്‍റഹ്മാന്‍ ദാരിമി, കാസിം ഇരിക്കൂര്‍, സയ്യിദ് സുഹൈല്‍ അസ്സഖാഫ് മടക്കര അനുസ്മരണ പ്രഭാഷണം നടത്തും.

വൈകിട്ട് 6.30ന് അറബി-ഉറുദു നാഷണല്‍ കോണ്‍ഫറന്‍സ് മൗലാന ഫാസില്‍ റിസ്‌വി കാവല്‍കട്ടയുടെ അധ്യക്ഷതയില്‍ ഡോ. മാസിന്‍ മെഹ്ദി ഐദറൂസ് യമന്‍ ഉദ്ഘാടനം ചെയ്യും. സി. മുഹമ്മദ് ഫൈസി, ശാഹുല്‍ ഹമീദ് ബാഖവി ശാന്തപുരം, സി എച്ച് ശങ്കരമൂര്‍ത്തി പ്രസംഗിക്കും.
രാത്രി 8.30ന് ബുര്‍ദ മജ്‌ലിസ് സയ്യിദ് പി എസ് ആറ്റക്കോയ തങ്ങള്‍ ബാഹസന്റെ അധ്യക്ഷതയില്‍ സയ്യിദ് അബ്ദുര്‍ റഹ്മാന്‍ ഇമ്പിച്ചിക്കോയ തങ്ങള്‍ ബായാര്‍ ഉദ്ഘാടനം ചെയ്യും. സയ്യിദ് അഹ്മദ് മുഖ്താര്‍ കുമ്പോല്‍ പ്രാര്‍ത്ഥന നടത്തും. റഫീഖ് സഅദി ദേലംപാടി പ്രഭാഷണം നടത്തും. ശുക്കൂര്‍ ഇര്‍ഫാനിയും സംഘവും നേതൃത്വം നല്‍കും.

സമാപന ദിവസമായ ഞായറാഴ്ച രാവിലെ എട്ട് മണിക്ക് സഅദി സംഗമത്തോടെ പ്രോഗ്രാം ആരംഭിക്കും. സയ്യിദ് ജലാലുദ്ദീന്‍ ബുഖാരി മള്ഹര്‍ പ്രാര്‍ഥന നടത്തും. എ കെ അബ്ദുര്‍റഹ്മാന്‍ മുസ്‌ലിയാരുടെ അധ്യക്ഷതയില്‍ സയ്യിദ് ആറ്റക്കോയ തങ്ങള്‍ കുമ്പോല്‍ ഉദ്ഘാടനം ചെയ്യും.
ഒമ്പത് മണിക്ക് സ്‌കൂള്‍ ഓഡിറ്റോറിയത്തില്‍ അലുമ്‌നി മീറ്റ് അബ്ദുര്‍റഹ്മാന്‍ ഹാജി മുല്ലച്ചേരിയുടെ അധ്യക്ഷതയില്‍ ഡോ. പി എ അഹ്മദ് സഈദ് ഉദ്ഘാടനം ചെയ്യും. അബ്ദുല്‍ ഖാദിര്‍ കരുവഞ്ചാല്‍ വിഷയാവതരണം നടത്തും.

താജുല്‍ ഉലമയുടെ സ്മാരകമായി ഒന്നരക്കോടി രൂപ ചെലവില്‍ നിര്‍മാണം പൂര്‍ത്തിയായ അഡ്മിനിസ്‌ട്രേഷന്‍ ബ്ലോക്ക് ഡോ. സയ്യിദ് മാസിന്‍ മഹ്ദി അല്‍ ജിഫ്‌രി ഉദ്ഘാടനം ചെയ്യും. എം എല്‍ എമാരായ പി ബി അബ്ദുര്‍റസാഖ്, ഇ ചന്ദ്രശേഖരന്‍, കെ കുഞ്ഞിരാമന്‍ (തൃക്കരിപ്പൂര്‍) എന്നിവരും അബ്ദുല്‍ ജലീല്‍ ഹാജി അജ്മാന്‍, എ കെ എം. അഷ്‌റഫ് മഞ്ചേശ്വരം, അഡ്വ. സി എച്ച് കുഞ്ഞമ്പു, തുടങ്ങിയവര്‍ ആശംസ നേരും.

10.30ന് വിദ്യാഭ്യാസ വികസന സെമിനാര്‍ മുഹമ്മദലി സഖാഫി തൃക്കരിപ്പൂരിന്റെ അധ്യക്ഷതയില്‍ മന്ത്രി കെ സി ജോസഫ് ഉദ്ഘാടനം ചെയ്യും. യതീംഖാന അഡ്മിനിസ്‌ട്രേഷന്‍ ബ്ലോക്കിന്റെ ഉദ്ഘാടനവും മന്ത്രി നിര്‍വ്വഹിക്കും. ലക്ഷദ്വീപ് എം പി ഫൈസല്‍ പി പി, കണ്ണൂര്‍ വി സി ഖാദര്‍ മാങ്ങാട്, ടെക്‌നിക്കല്‍ സര്‍വകലാശാല പ്രോ. വി സി എം അബ്ദുര്‍റഹ്മാന്‍, എന്‍ അലി അബ്ദുല്ല, എന്‍ എ നെല്ലിക്കുന്ന് എം എല്‍ എ, കെ കുഞ്ഞിരാമന്‍ എം എല്‍ എ (ഉദുമ), ഡോ. കെ എ നവാസ് (എല്‍ ബി എസ്), അഡ്വ. ബി എം ജമാല്‍, പ്രൊഫ. എ കെ അബ്ദുല്‍ ഹമീദ് തുടങ്ങിയവര്‍ പ്രസംഗിക്കും.

ബിദുരധാരികള്‍ക്കുള്ള സ്ഥാനവസ്ത്ര വിതരണവും മുല്‍ത്തഖല്‍ ഉലമ -പണ്ഡിത സമ്മേളനവും ഉച്ചക്ക് രണ്ടുമണിക്ക് നടക്കും. മാട്ടൂല്‍ തങ്ങളുടെ അധ്യക്ഷതയില്‍ എ പി മുഹമ്മദ് മുസ്‌ലിയാര്‍ കാന്തപുരം ഉദ്ഘാടനം ചെയ്യും. കൊമ്പം മുഹമ്മദ് മുസ്‌ലിയാര്‍, കോടമ്പുഴ ബാവ മുസ്‌ലിയാര്‍ പ്രസംഗിക്കും.

സമാപന സനദ്ദാന മഹാസമ്മേളനം വൈകിട്ട് 4.30ന് ആരംഭിക്കും. സഅദിയ്യ പ്രസിഡന്റ് സയ്യിദ് കെ എസ് ആറ്റക്കോയ തങ്ങളുടെ അധ്യക്ഷതയില്‍ ഡോ. സൈഫ് റാശിദ് അല്‍ ജാബിരി ദുബൈ ഉദ്ഘാടനം ചെയ്യും. സമസ്ത പ്രസിഡന്റ് ഇ സുലൈമാന്‍ മുസ്ലിയാര്‍ സനദ് ദാനം നിര്‍വ്വഹിക്കും. സഅദിയ്യ ഉപാധ്യക്ഷന്‍ കെ പി ഹംസ മുസ്ലിയാര്‍ ചിത്താരി സനദ്ദാന പ്രഭാഷണവും സമസ്ത ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്‌ലിയാര്‍ മുഖ്യ പ്രഭാഷണവും നടത്തും. സയ്യിദ് മൗലാനാ മുഫ്തി മശ്ഹൂദ് ചെന്നൈ മുഖ്യാതിഥിയായിരിക്കും. സഅദി, അഫ്‌ളല്‍ സഅദി, ഹാഫിള്‍ തുടങ്ങി 247 പേര്‍ ഈ സമ്മേളനത്തില്‍ സനദ് സ്വീകരിക്കും.

സഅദിയ്യ പ്രിന്‍സിപ്പാള്‍ എ കെ അബ്ദുര്‍ റഹ്മാന്‍ മുസ്ലിയാര്‍, സയ്യിദ് ഇബ്രാഹീം ഖലീല്‍ ബുഖാരി, സയ്യിദ് ഫസല്‍ കോയമ്മ തങ്ങള്‍ കുറാ, എം അലിക്കുഞ്ഞി മുസ്ലിയാര്‍ ഷിറിയ, ബേക്കല്‍ ഇബ്രാഹീം മുസ്ലിയാര്‍, പേരോട് അബ്ദുര്‍ റഹ്മാന്‍ സഖാഫി, അബ്ബാസ് മുസ്ലിയാര്‍ മഞ്ഞനാടി, എ പി അബ്ദുല്ല മുസ്ലിയാര്‍ മാണിക്കോത്ത്, മുന്‍ കേന്ദ്ര മന്ത്രി സി എം ഇബ്രാഹീം, കര്‍ണാടക മന്ത്രി യു ടി ഖാദര്‍, എന്‍ വി അബ്ദുറസാഖ് സഖാഫി, അബ്ദു ലത്തീഫ് പഴശ്ശി തുടങ്ങിയവര്‍ പ്രസംഗിക്കും.

വൈ. അബ്ദുല്ലക്കുഞ്ഞി ഹാജി, എ പി അബ്ദുല്‍ കരീം ഹാജി ചാലിയം, മന്‍സൂര്‍ ഹാജി ചെന്നൈ, എസ് കെ ഖാദര്‍ ഹാജി ബാംഗ്ലൂര്‍ അവാര്‍ഡ്ദാനം നിര്‍വ്വഹിക്കും.

സഅദിയ്യയെ കല്ലട്ര അബ്ദുല്‍ ഖാദിര്‍ ഹാജിയില്‍നിന്നും ഏറ്റെടുത്ത് വിശ്വോത്തര യൂനിവേഴ്‌സിറ്റിയായി വളര്‍ത്തിയെടുത്ത നൂറുല്‍ ഉലമ എം എ ഉസ്താദില്ലാത്ത ആദ്യ സമ്മേളനമാണിത്. ഉസ്താദിന്റെ വിയോഗത്തിന്റെ ഒന്നാം ആണ്ട് ദിനത്തില്‍ നടക്കുന്ന സമ്മേളനം താജുല്‍ ഉലമയുടെയും നൂറുല്‍ ഉലമയുടെയും സ്മരണകളാല്‍ ധന്യമാകും.

വാര്‍ത്താ സമ്മേളനത്തില്‍ ജനറല്‍ കണ്‍വീനര്‍ സയ്യിദ് മുത്തുക്കോയ തങ്ങള്‍ കണ്ണവം, ട്രഷറര്‍ ടി സി മുഹമ്മദ് കുഞ്ഞി ഹാജി, സൈസ് പ്രസിഡന്റ് മുക്രി ഇബ്രാഹീം ഹാജി, പ്രോഗ്രാം കണ്‍വീനര്‍ മുഹമ്മലി സഖാഫി തൃക്കരിപ്പൂര്‍, സ്വാഗത സംഘം വര്‍ക്കിംഗ് കണ്‍വീനര്‍ പള്ളങ്കോട് അബ്്ദുല്‍ ഖാദിര്‍ മദനി, സെക്രട്ടറി എം എ അബ്ദുല്‍ വഹാബ്, പ്രചാരണ സമിതി കണ്‍വീനര്‍ കൊല്ലമ്പാടി അബ്ദുല്‍ ഖാദിര്‍ സഅദി, സഅദിയ്യ സെക്രട്ടറിയേറ്റ് മെമ്പര്‍ ശാഫി ഹാജി കീഴൂര്‍, അബ്ദുല്ല ഹാജി കളനാട്, ചിത്താരി അബ്ദുല്ല സഅദി എന്നിവര്‍ സംബന്ധിച്ചു.